РАНИТИДИН-АКОС 300 МГ №20 ТАБЛ.П.О Увеличить

РАНИТИДИН-АКОС 300 МГ №20 ТАБЛ.П.О

Новый товар

8 Товары

0,00 тг. С НДС

Описание

Ранитидин-АКОС

Саудалық атауы Ранитидин-АКОС

Халықаралық патенттелмеген атауы Ранитидин Дәрілік түрі Қабықпен қапталған 0,15 г және 0,3 г таблеткалар Құрамы Бір таблетканың құрамында белсенді зат – 0,15 г және 0,3 г ранитидин (гидрохлорид түрінде) қосымша заттар: жүгері крахмалы, сүт қанты, микрокристалдық целлюлоза, төменгі молекулярлық полинвинилпиролидон, кальций стеараты, қабығының құрамы: оксипропилметилцеллюлоза, полиэтиленгликоль 4000, тропеолин 0, титанның пигменттік қос тотығы, пропиленгликоль, тальк немесе опадрай ІІ. Сипаттамасы Қабықпен қапталған, екі жағы дөңес, сары түсті таблеткалар Фармакотерапиялық тобы Қышқылдықтың бұзылуымен байланысты жай-күйлерде қолданылатын препараттар. Гастроэзофагеальдық рефлюкс кезінде қолданылатын ойық жараға қарсы дәрілер мен препараттар. Гистаминді Н2 рецепторлар бөгегіштері АТЖ коды А02ВА02 Фармакологиялық қасиеттері Фармакокинетикасы Жылдам сіңеді, тамақтану сіңу дәрежесіне болымсыз әсер етеді. Ішу арқылы қабылдаған кезде ранитидиннің биожетімділігі шамамен 50% құрайды. Плазмадағы барынша жоғары концентрациясына қабылдаудан кейін 2-3 сағат өткенде жетеді. Плазманың ақуыздарымен байланысуы 15% аспайды. Бауырда болымсыз метаболизденеді, “бірінші өту” әсеріне ұшырайды. Шығу жылдамдығы мен дәрежесінің бауыр жай-күйіне байланыстылығы аз болады. Ішкеннен кейінгі жартылай шығу кезеңі – 2,5 сағат, креатинин клиренсі 20-30 мл/мин болған кезіндегісі – 8-9 сағат. Дозаның 30% жуығы өзгермеген күйінде несеппен шығады. Гематоэнцефальдық кедергі арқылы нашар өтеді. Плацента арқылы нашар өтеді. Омырау сүтімен бөлініп шығады (лактация кезінде әйелдердің омырау сүтіндегі концентрациясы плазмадағысынан жоғары болады). Бір рет қабылдаудан кейінгі әсер ету ұзақтығы 12 сағатқа дейін. Фармакодинамикасы Ранитидин асқазан шырышты қабығы гистаминдік Н2-рецепторлары париетальдық жасушаларының антагонисі болып табылады. Тұз қышқылының барорецепторлардың тітіркенуі, тамақ жүктемесі, гормондар мен биогендік көтермелегіштердің (гастрин, гистамин, пентагастрин) әсері туындатқан базальдық және көтермеленген секрециясын төмендетеді. Ранитидин асқазан сөлінің көлемі мен ондағы тұз қышқылының құрамын азайтады, асқазан ішіндегісінің рН-ын арттырады, бұл пепсин белсенділігінің төмендеуін туғызады. Емдік дозаларда ішу арқылы қабылдағаннан кейін пролактиннің деңгейіне әсер етпейді. Микросомальды ферменттерді тежейді. Қолданылуы - асқазан мен он екі елі ішек ойық жара ауруының асқынуы, соматикалық ойық жаралар - рефлюкс-эзофагит, эрозиялық эзофагит, Золлингер-Эллисон синдромы - асқазан-ішек жолының операциядан кейінгі, “стрестік” ойық жаралары - асқазан-ішек жолы жоғарғы бөлігінен қан кетулердің қайталанулары - жалпы анестезиялаумен операция жасау кезіндегі ақазан сөлі қысылып қалуының (аспирациясының) алдын алу (Мендельсон синдромы). Қолдану тәсілі мен дозалары Ранитидинді тамақтануға қарамастан шайнамай, аздаған мөлшердегі сумен бірге қабылдайды. Ересектер мен 14 жастан үлкен балалар: Асқазан мен 12 елі ішектің ойық жара ауруы. Асқынуларды емдеу үшін тәулігіне 2 рет (таңертең және кешке) 0,15 г-нан немесе түнге қарай 0,3 г тағайындайды. Қажет болғанда - тәулігіне 2 рет 0,3 н-нан. Емдеу курсының ұзақтығы – 4-8 апта. Асқынулардың алдын алу үшін түнге қарай 0,15 г-нан тағайындайды. Қабынуға қарсы стероидтық емес препараттарды (ҚҚСП) қабылдаумен байланысты ойық жаралар. 8-12 апта бойы тәулігіне 2 рет 0,15 г-нан немесе түнге қарай 0,3 г тағайындайды. ҚҚСП қабылдау кезіндегі ойық жара пайда болуының алдын алу – тәулігіне 2 рет 0,15 г-нан. Операциядан кейінгі және стресстік ойық жаралар. 4-8 апта бойы тәулігіне 2 рет 0,15 г-нан тағайындайды. Рефлюкс-эзофагит, эрозиялық эзофагит. Тәулігіне 2 рет 0,15 г-нан немесе түнге қарай 0,3 г. Қажет болғанда доза тәулігіне 4 рет 0,15 г-ға дейін арттырылуы мүмкін. Емдеу курсы 8-12 апта. Золлингер-Эллисон синдромы. Бастапқы дозасы тәулігіне 3 рет 0,15 г құрайды, қажет болғанда доза арттырылуы мүмкін. Қайталанатын қан кетулердің алдын алу. Тәулігіне 2 рет 0,15 г-нан. Мендельсон синдромы өршуінің алдын алу. Наркозға дейін 2 сағат бұрын 0,15 г дозада, сондай-ақ дұрысы оның алдында кешке 0,15 г тағайындайды. Бауыр қызметі бұзылуының қатар жүретін кезінде дозаны төмендету қажет болуы мүмкін. Бауыр жеткіліксіздігі бар науқастарға креатинин клиренсі 50 мл/мин аз болғанда тағайындалатын доза тәулігіне 0,15 г құрайды. Гемодиализде жүрген науқастарға кезекті дозаны гемодиализ аяқтала салысымен тағайындайды. Жағымсыз әсерлері - жүрек айнуы, ауыздың кеберсуі, іш қату, құсу, диарея, абдоминальдық ауырулар, гепатоцеллюлярлық, холестатикалық немесе аралас гепатит, жедел панкреатит - лейкопения, тромбоцитопения, агронулоцитоз, панцитопения, жілік майының гипо- және аплазиясы, иммундық гемолитикалық анемия - артериялық қысымның төмендеуі, брадикардия, аритмия, атриовентрикулярлық бөгеу - жоғары шаршағыштық, ұйқышылдық, бас ауыруы, бас айналуы, сананың шатасуы, құлақтағы шуыл, тітіркенгіштік, галлюцинациялар (негізінен егде емделушілер мен ауыр науқастарда), еріктен тыс қимылдар - көрудің айқын еместігі, парез, аккомодациялар - артарлгия, миалгия - асқын пролактинемия, гинекомастия, аменорея, либидоның төмендеуі, белсіздік - есекжем, тері бөртпесі, ангионевротикалық ісіну, анафилактикалық шок, бронхтық түйілу, мультиформдық эритема - алопеция, асқын креатининемия Қолдануға болмайтын жағдайлар - ранитидинге немесе препараттың басқа компоненттеріне жоғары сезімталдық - жүктілік, лактация - 14 жасқа дейінгі балалар. Дәрілермен өзара әрекеттесуі Асқазан ішіндегісінің рН көтерілуі салдарынан бір мезгілде қабылдаған кезде итраконазол мен кетоконазолдың сіңуі азаюы мүмкін. Феназонның, аминофеназонның, диазепамның, гексобарбиталдың, пропранололдың, диазепамның, лидокаинның, фенитоинның, теофиллиннің, аминофиллиннің, тікелей емес антикоагулянттардың, глипизидтің, буформиннің, метронидазолдың, кальций антагонистерінің бауырдағы метаболизмін басады. Антацидтермен, сукральфатпен жоғары дозада бір мезгілде қолданғанда ранитидин сіңуінің баяулауы мүмкін, сондықтан осы препараттарды қабылдау аралықтарындағы үзіліс 2 сағаттан кем болмауға тиіс. Айрықша нұсқаулар Ранитидинмен емдеу асқазан карциномасымен байланысты симптомдарды бүркемелеуі ықтимал, сондықтан емдеуді бастаудың алдында рактың-ойық жараның болуын жоққа шығару керек. Бүйрек және/немесе бауыр жеткіліксіздігінде, сыртартқысында портжүйелік энцефалопатиясы бар бауыр циррозында, жедел порфирияда (оның ішінде сыртартқысында) сақтықпен тағайындайды. Темекі шегу ранитидиннің тиімділігін төмендетеді. Жілік майын бәсеңдететін дәрілік заттар нейтропения қаупін арттырады. Ранитидин барлық Н2-гистаминбөгегіштер сияқты нейтропения қаупін арттырады, шұғыл тоқтатпау керек (“рикошет” синдромы). Helicobacter pylori эрадикциялау үшін препаратты антибиотик-макролидтермен пайдалану керек. Н2-гистаминрецепторлар бөгегіштерін олардың сіңуі елеулі төмендеуінен аулақ болу үшін итраконазолды немесе кетоконазолды қабылдаудан кейін 2 сағат өткенде қабылдау керек. Глутаматтранспептидазаның белсенділігін төмендетуі ықтимал. Несептегі ақуыздың болуына сынама жүргізуге жалған оң реакцияға себепкер болуы ықтмал. Н2-гистаминрецепторлар бөгегіштері асқазанның қышқыл түзетін қызметіне пентагастриннің және гистаминің әсеріне қарсы әрекет етуі мүмкін, сондықтан тестің алдындағы 24 сағаттың ішінде Н2-гистминрецепторларды қолдануға болмайды. Н2-гистаминрецепторлар бөгегіштері гистаминге тері реакциясын басуы мүмкін, осылайша жалған оң нәтижелерді туындатуы ықтимал (шұғыл түрдегі тері реакциясын анықтау үшін диагностикалық тері сынамаларын алудың алдында Н2-гистамин рецепторлар бөгегіштерін қолдануды тоқтатқан жөн). Емдеу кезінде асқазан шырышты қабығының тітіркенуін туындататын азық-түлікті, сусынды және басқа дәрілерді қабылдаудан аулақ болған жөн. Дәрілік заттың көлік құралдарын немесе әлеует қаупі бар механизмдерді басқару қабілетіне әсер ету ерекшеліктері Ұйқышылдықтың, көру айқындығының бұзылуы өршуіне байланысты көлік құралдарын немесе әлеует қаупі бар механизмдерді басқаруға кеңес берілмейді. Артық дозалау Симптомдары: құрысулар, брадикардия, қарыншалық аритмиялар. Емдеу: симптоматикалық. Құрысулар өршігенде – көк тамырға диазепам, брадикардия кезінде қарыншалық аритмияларда – атропин, лидокаин. Гемодиализ тиімді. Шығарылу түрі мен қаптамасы 0,15 г және 0,3 г таблеткалар. Пішінді ұялы қаптамада 10 таблеткадан. Пішінді ұялы 2 қаптама қолдану жөніндегі нұсқаулығымен бірге картон қорапқа салынған. Сақтау шарттары Құрғақ, жарықтан қорғалған жерде +250С аспайтын температурада сақтау керек. Балалар қол жеткізе алмайтын жерде сақтау керек! Жарамдылық мерзімі 3 жыл Қаптамсында көрсетілген жарамдылық мерзімі өткеннен кейін қолданбау керек. Дәріханалардан босатылу шарттары Рецепт бойынша Өндіруші “Синтез” ААҚ, Ресей Федерациясы, 640008, Қорған қаласы, Конституция даңғылы, 7

Отзывы

Написать отзыв

РАНИТИДИН-АКОС 300 МГ №20 ТАБЛ.П.О

РАНИТИДИН-АКОС 300 МГ №20 ТАБЛ.П.О